धितोपत्र दर्ता तथा निष्काशन नियमावली, २०६५ को अनुसूची १४
(नियम २२ को उपनियम (२) सँग सम्बन्धित)
आ.ब. ०७१।०७२ को तेस्रो त्रैमासिक प्रतिबेदन

१. वित्तीय विवरण:

(क) त्रैमासिक अवधिको बासलात, नाफा नोक्सान सम्बन्धी विवरण यसै साथ/ मिति २०७२/०१/२८ गतेको अन्नपूर्ण राष्ट्रिय दैंनिकमा  प्रकाशन गरिएको छ । साथैं यस बैंकको वेभसाईट www.shangrilabank.com मा समेत राखिएको छ ।

(ख) प्रमुख बित्तीय अनुपात:

२. व्यवस्थापकीय बिश्लेषण:

यस अवधीमा संस्थाको वित्तीय अवस्था सन्तोषजनक रहेको छ । गत त्रैमासको खुद मुनाफामा ५३.१९% र कर्जा तर्फ रु. ३६ करोड (६.०४%) र निक्षेप तर्फ रु. १४ करोड (२.०३%) को वृद्धि गरेका छौ । कर्जा निक्षेप अनुपात (नेपाल राष्ट्र बैंक अनुसार) मा पनि वृद्धि भई  हाल ७८.४२% रहेको छ, सो नेपाल राष्ट्र बैंकले तोकेको सिमा भित्र नै रहेको  छ ।  नेपाल राष्ट्र बैंकले जारी निर्देशन अनुरुप सुक्ष्म निरिक्षण कर्जामा रु. १,५७३,६८० /–  थप ब्यबस्था गरीएको छ ।  निष्कृय कर्जामा केहि वृद्धि भएतापनि उक्त कर्जाहरु सुरक्षणको हिसाबबाट पूर्ण रुपमा सुरक्षीत रहेको छ । गत आ.व को मुनाफावाट १५% वोनश शेयर र ६.३०% नगद लाभांश वितरण गर्ने प्रस्ताव साधारण सभा बाट स्वीकृति गरीएको छ । संस्थाले आफ्नो व्यवसाय बढाउन विभिन्न ४ ठाँउमा शाखा विस्तार गर्न लागिएको छ, उक्त शाखाहरु नेपाल राष्ट्र बैंक बाट स्वीकृत भइसकेको छ।

३. कानूनी कारवाही सम्बन्धी विवरण :

(क) समीक्षा अवधिमा यस बैंकलाई वा यस बैंकले कुनै मुद्दा दायर नगरेकोे/नभएको।

(ख) यस त्रैमासिक अवधिमा बैंकको संस्थापक वा संचालकको बिरुद्धमा प्रचलित नियमको अवज्ञा वा फौजदारी अभियोग गरेको वा संचालक वा संस्थापक बिरुद्ध आर्थिक अपराध गरेको सम्बन्धमा मुद्दा दायर भएको कुनै जानकारी प्राप्त नभएको ।

४. संगठित संस्थाको शेयर कारोबार सम्बन्धी बिश्लेषण ।

(क) खुल्ला बजारले प्रतिपादित गरेको मुल्य तथा मान्यता अनुरुप शेयर कारोबारमा हुने उतार चढावलाई बैंकले सामान्य रुपमा लिएको छ । मिति २०७१/१२/१३ मा ११ औ साधारण सभा तथा गत आ.व को मुनाफावाट १५% वोनश शेयर र ६.३०% नगद लाभांशको लागी दर्ता किताब बन्द गरिएको र दर्ता किताब बन्द अगाडी शेयरको अन्तिम मुल्य रु ४०४ रहेको थियो ।

(ख) यस त्रैमासमा शेयर कारोबार निम्न अनुसार रहेको थियो ।

५. समस्या तथा चुनौती:

• विकास बैंक मर्जसंगै थपिएका नयाँ प्रविधीको सक्दो प्रयोग गरी विविध प्रकारका जोखिमहरु लगायत संचालन तथा अन्य खर्चको कटौंती गरी बैंकलाई एक सबल तथा आधुनिक बैंकका रुपमा परिचित गराउँन ।
• विकास बैंक मर्ज पश्चात देशको पूर्व देखि सुदुर पश्चिमसम्म बैंकको उपस्थितीकालागी शाखा सञ्जाल बिस्तार गर्नुपर्ने भएका कारण दक्ष जनशक्तीको व्यवस्थापनलगायत संचालन खर्चमा हुनसक्ने सम्भावित बृद्घि न्यून कायम गर्न ।
• ब्याजदरमा भईरहेको परिवर्तन तथा नेपाल राष्ट्र बैंकको निर्देशन बमोजिम ब्याज÷संचालन आम्दानीमा कमीको सम्भावना ।
• लोडसेडिङ्ग, बजार मुल्यमा बृद्घिआदि जस्ता कारणले संचालन लागतमा बृद्घि हुनसक्ने सम्भावना ।
• समय समयमा बैंक तथा वित्तिय संस्थामाथी हुने गरेका अपराधीक कार्यहरुमा भएको बृद्घि।
• तरल सम्पति लगानीको अवसरमा कमि ।
• नेपाल राष्ट्र बैंक तथा नेपाल सरकारले समय समयमा देशको वित्तिय नितिमा गर्ने परिवर्तनको प्रभाव ।
• सरकारी निकाय, संघ संस्था तथा संस्थानहरुले विकास बैंकहरुको बैंक ग्यारेण्टी तथा निक्षेप स्विकार सहज रुपमा नगर्नु ।
• दैवीक विपत्तिबाट हुन जाने क्षतीले कारोबारमा पर्ने दिर्घकालिन असर ।

रणनीति

• कर्मचारीहरु बैंकका सम्पत्ती भएका कारण निजहरुको कार्यदक्षता बृद्घिका लागी आवश्यक तालिम उपलब्ध गराउँदैं कर्मचारीको उचित व्यबस्थापन सहित कार्यविभाजन गरिएको र यसको परिमार्जन÷पुनरावलोकन समेत गर्दै अनुभव शिप कौशलको सक्दो सदुपयोग गरि क्रमशः विभिन्न तहमा अधिकार प्रत्यायोजन तथा नियमन गर्दै लगिने ।
• नयाँ नयाँ उच्चतम प्रविधि तथा उत्कृष्ट कार्यशैंलीको छनौंट गरी छिटो, छरितो सेवा सहित न्यून खर्चमा अधिकतम सेवा प्रदान गर्दै जाने ।
• बैंक राष्ट्रिय स्तरको भएता पनि आफ्नो उपस्थिती नरहेका, बैंकिङ्ग आवश्यकता र सम्भावना भएका पुर्व देखि पश्चिम सम्मका क्षेत्रहरुमा आफ्नो सेवा बिस्तार गर्नुपर्ने योजना तथा कार्यक्रम रहेका कारण सोही बमोजिम अनुशासित, दक्ष तथा सक्षम कर्मचारीहरुको समेत छनौंट गरी शाखा बिस्तार गर्दै लगिने योजना रहेको छ ।
•  ब्याजदरमा भईरहेको कमिलाई क्रमशः समायोजन गर्दै समय सापेक्ष प्रविधिमा आधारित नयाँ सेवाहरु थालनी गर्ने तथा ग्राहकमुखि सेवाहरु उपलब्ध गराईनेछ ।
• संचालन खर्च न्यून राख्न खर्चलाई केन्द्रिकृत गरी सम्भव भए सम्म न्यून लागतमा कार्य गर्ने योजना रहेको छ ।
• बढ्दो बैंकिङ्ग प्रतिष्पर्धा प्रति सजग रहि कर्जा लगानी गर्ने तथा यथासम्भब कर्जा विविधीकरण गर्ने तर्फ पहल गर्ने र अन्य लगानीका विकल्पमा समेत अध्ययन गरी लगानी बिस्तार गर्ने ।
• तरल अर्थ(राजनैतिक अवस्थालाई नजिकबाट मध्यनजर गर्दै साविक रणनीतिहरुलाई परिमार्जन गर्दै लगिनेछ ।

६. संस्थागत सुशासन :

बैंकले संस्थागत सुशासन सम्बन्धी प्रचलित ऐन, कानूनको पुर्ण रुपमा पालना गर्दै संचालक तथा कर्मचारी आचरण सम्बन्धी व्यवस्थाको पुर्ण रुपमा पालना गर्ने गरिएको छ । बैंकका आन्तरीक तथा बाह्य लेखापरिक्षणबाट औंल्याईएका कैंफियतहरुलाई तत्काल सुधार गर्र्ने गरिएको र आन्तरिक व्यवस्थापनलाई चुस्त, दुरूस्त साथै पारदर्शि बनाउनको लागी यस आर्थिक वर्षबाट बैकं भित्र हुने दैनिक कार्यहरूको आन्तरीक लेखा परिक्षण गर्नको लागी कन्कुरेन्ट अडिट (Concurrent Audit)  कार्य शुरूवात गरिएको छ ।

७. सत्य तथ्य सम्बन्धमा प्रमुख कार्यकारीे अधिकृतको उद्घोषण:

आजका मितिसम्म यस प्रतिबेदनमा उल्लेखित जानकारी तथा विवरणहरुको शुद्धता सम्बन्धमा म ब्यक्तिगत रुपमा उत्तरदायित्व लिन्छु । साथै म यो उद्घोष गर्दछु कि मैले जाने बुझे सम्म यस प्रतिबेदनमा उल्लेखित विवरणहरु सत्य, तथ्य र पूर्ण छन् र लगानीकर्ताहरुलाई सूसुचित निर्णय लिन आवश्यक कुनै विवरण, सूचना तथा जानकारीहरु लुकाइएको छैन ।